tumne zara si baat suni aur ro diye

tum ne zarā sī baat sunī aur ro diye

ik ham haiñ apnī āñkhoñ meñ dariyā Dubo diye

do gaam hī chale the mohabbat kī raah meñ

duniyā ne dushmanī ke liye biij bo diye

ḳhanjar chhupā leñ aap bhī ab āstīn meñ

dhabbe lahū ke ham ne bhī dāman se dho diye

tūfāñ kī shiddatoñ se bachā laa.e the magar

sāhil pe aa ke ham ne safīne Dubo diye

vo be-qusūr the to havā se ye pūchhiye

phir kyoñ bujhā diyā unheñ raushan the jo diye

tum ne zara si baat suni aur ro diye

ek hum hain apni aankhon mein dariya Dubo diye

do gam hi chale the mohabbat ki rah mein

duniya ne dushmani ke liye bij bo diye

KHanjar chhupa len aap bhi ab aastin mein

dhabbe lahu ke hum ne bhi daman se dho diye

tufan ki shiddaton se bacha lae the magar

sahil pe aa ke hum ne safine Dubo diye

wo be-qusur the to hawa se ye puchhiye

phir kyon bujha diya unhen raushan the jo diye