tum raunaq-e-hayat the jab tum nahin rahe

tum raunaq-e-hayāt the jab tum nahīñ rahe

hoñToñ pe vo guzishta tabassum nahīñ rahe

insāñ kahāñ bache jo mohabbat fanā huī

ya.anī sharāb ḳhatm huī ḳhum nahīñ rahe

achchhā huā ki chhoḌ diyā aap ne hameñ

achchhā huā ki ham abhī gum-sum nahīñ rahe

honā na honā apnā barābar hai dosto

ham tum yuuñ rah ga.e haiñ ki ham tum nahīñ rahe

yādash-ba-ḳhair gaañv kī tāroñ bharī vo raat

is raushnī ke shahr meñ anjum nahīñ rahe

tum raunaq-e-hayat the jab tum nahin rahe

honTon pe wo guzishta tabassum nahin rahe

insan kahan bache jo mohabbat fana hui

yani sharab KHatm hui KHum nahin rahe

achchha hua ki chhoD diya aap ne hamein

achchha hua ki hum abhi gum-sum nahin rahe

hona na hona apna barabar hai dosto

hum tum yun rah gae hain ki hum tum nahin rahe

yaadash-ba-KHair ganw ki taron bhari wo raat

is raushni ke shahr mein anjum nahin rahe