tum se bhi baatchit ho dil se bhi guftugu rahe

tum se bhī bātchīt ho dil se bhī guftugū rahe

ḳhvāb o ḳhabar kā silsila yūñhī kabhū kabhū rahe

dard bhī haath thaam le zaḳhm bhī bolne lageñ

ya.anī nihāl-e-shāḳh-e-ġham aise hī bā-numū rahe

ishq meñ ehtiyāt hī goyā hai pās-e-vaz-e-ishq

chaak hoñ sad-hazār aur dāman-e-dil rafū rahe

tū jo nahīñ to maiñ nahīñ maiñ jo nahīñ to tū kahāñ

donoñ tarah thī baat ek maiñ rahūñ yā ki tū rahe

aur matā-e-jān-o-dil kuchh bhī na mujh ko chāhiye

siine meñ ik charāġh sā aañkh meñ ik lahū rahe

ek charāġh hañs paḌā taaq meñ ehtiyāt se

aur havā sahm ga.ī phuul kī aabrū rahe

ek lakīr ro paḌī donoñ hatheliyoñ ke biich

rañg-e-hinā chhupā gayā haath lahū lahū rahe

tum se bhi baatchit ho dil se bhi guftugu rahe

KHwab o KHabar ka silsila yunhi kabhu kabhu rahe

dard bhi hath tham le zaKHm bhi bolne lagen

yani nihaal-e-shaKH-e-gham aise hi ba-numu rahe

ishq mein ehtiyat hi goya hai pas-e-waz-e-ishq

chaak hon sad-hazar aur daman-e-dil rafu rahe

tu jo nahin to main nahin main jo nahin to tu kahan

donon tarah thi baat ek main rahun ya ki tu rahe

aur mata-e-jaan-o-dil kuchh bhi na mujh ko chahiye

sine mein ek charagh sa aankh mein ek lahu rahe

ek charagh hans paDa taq mein ehtiyat se

aur hawa sahm gai phul ki aabru rahe

ek lakir ro paDi donon hatheliyon ke bich

rang-e-hina chhupa gaya hath lahu lahu rahe