tum se bichhaD gae to kisi se mile na hum

tum se bichhaḌ ga.e to kisī se mile na ham

mil bhī liye kisī se to jī se mile na ham

vo āñsuoñ ko apnī hañsī meñ chhupā gayā

jis se gale mile the usī se mile na ham

barsoñ ke baa'd aa.e to duniyā badal ga.ī

apnī galī meñ apnī galī se mile na ham

dil ko vo ġham milā hai mohabbat ke naam par

us bevafā ke baa'd kisī se mile na ham

kuchh is tarah se ġham kā nasha raas aa gayā

aa.ī kabhī ḳhushī to ḳhushī se mile na ham

'qaisar' huī na ham se dikhāve kī dostī

kāġhaz ke phuul le ke kisī se mile na ham

tum se bichhaD gae to kisi se mile na hum

mil bhi liye kisi se to ji se mile na hum

wo aansuon ko apni hansi mein chhupa gaya

jis se gale mile the usi se mile na hum

barson ke ba'd aae to duniya badal gai

apni gali mein apni gali se mile na hum

dil ko wo gham mila hai mohabbat ke nam par

us bewafa ke ba'd kisi se mile na hum

kuchh is tarah se gham ka nasha ras aa gaya

aai kabhi KHushi to KHushi se mile na hum

'qaisar' hui na hum se dikhawe ki dosti

kaghaz ke phul le ke kisi se mile na hum