tum se to kuchh bhi kam meri chahat nahin rahi

tum se to kuchh bhī kam mirī chāhat nahīñ rahī

aisā bhī kyā huā ki mohabbat nahīñ rahī

pal-pal marā huuñ soch ke tum ko kisī ke saath

ab mujh ko ḳhud-kushī kī zarūrat nahīñ rahī

bhīge vo ashk meñ thā jinheñ bhīgne kā Dar

dariyā ko paar karne kī himmat nahīñ rahī

karvaT to rāt-bhar hī badalte rahe magar

dil ko kisī tarah kī bhī rāhat nahīñ rahī

bas vo zarā sī der mirī zindagī rahā

phir us ke baa'd koī zarūrat nahīñ rahī

bāteñ tamām thiiñ to mile bhī usī ko the

par kuchh bhī bolne kī ijāzat nahīñ rahī

tum se to kuchh bhi kam meri chahat nahin rahi

aisa bhi kya hua ki mohabbat nahin rahi

pal-pal mara hun soch ke tum ko kisi ke sath

ab mujh ko KHud-kushi ki zarurat nahin rahi

bhige wo ashk mein tha jinhen bhigne ka Dar

dariya ko par karne ki himmat nahin rahi

karwaT to raat-bhar hi badalte rahe magar

dil ko kisi tarah ki bhi rahat nahin rahi

bas wo zara si der meri zindagi raha

phir us ke ba'd koi zarurat nahin rahi

baaten tamam thin to mile bhi usi ko the

par kuchh bhi bolne ki ijazat nahin rahi