tum ye kahte ho main likh dun ek pechida kitab

tum ye kahte ho maiñ likh duuñ ek pechīda kitāb

kis ne māñgā hai samundar se yuuñ maujoñ kā hisāb

kab talak tum hāl-e-dil apnā chhupāoge yahāñ

is ruḳh-e-nāzuk pa le ik muskurāhaT kā hijāb

ḳhār-o-ḳhas kī oT meñ bhī khil uThā thā ek phuul

kuchh kañval kī nāzukī thī kuchh thā andāz-e-gulāb

kyoñ achānak ziist kī mahfil huī hai sogvār

kis kī aamad se huā lutf-e-chaman zer-e-‘itāb

yā to dasht-e-'ishq meñ chashma muravvat kā bahā

yā vo sahrā-e-mohabbat kā thā ik sangīñ sarāb

kuchh to mahkī haiñ fazā.eñ kuchh havā bhī mehrbāñ

haañ magar dil par bahār-e-dilnashīñ misl-e-‘azāb

haañ zarūrat hai tirī 'māham' amāvas meñ bhī aaj

haiñ sitāre bhī pareshāñ shab kī hālat bhī ḳharāb

tum ye kahte ho main likh dun ek pechida kitab

kis ne manga hai samundar se yun maujon ka hisab

kab talak tum haal-e-dil apna chhupaoge yahan

is ruKH-e-nazuk pa le ek muskurahaT ka hijab

KHar-o-KHas ki oT mein bhi khil uTha tha ek phul

kuchh kanwal ki nazuki thi kuchh tha andaz-e-gulab

kyon achanak zist ki mahfil hui hai sogwar

kis ki aamad se hua lutf-e-chaman zer-e-‘itab

ya to dasht-e-'ishq mein chashma murawwat ka baha

ya wo sahra-e-mohabbat ka tha ek sangin sarab

kuchh to mahki hain fazaen kuchh hawa bhi mehrban

han magar dil par bahaar-e-dilnashin misl-e-‘azab

han zarurat hai teri 'maham' amawas mein bhi aaj

hain sitare bhi pareshan shab ki haalat bhi KHarab