tumhaara hath tumhaari jabin chumta hai

tumhārā haath tumhārī jabīn chūmtā hai

ye kaun hai jo badan dil-nashīn chūmtā hai

rah-e-vafā meñ vafā ko nibāh kar abbās

zamīn-e-karb-o-balā kī zamīn chūmtā hai

har ek lab pe hai jaarī darūd-e-āl-e-rasūl

har ek shaḳhs mohammad kā diin chūmtā hai

ab us ke haath na aanā tabāh kar degā

ye kār-e-'ishq hai har ik hasīn chūmtā hai

tumhāre baa'd tumhāre ḳhayāl meñ aksar

lagā ke koī mirī āstīn chūmtā hai

kabhī kabhī dar-o-dīvār dekh kar mire dost

makān ḳhālī hai jis ko makīn chūmtā hai

vo is liye bhī mayassar nahīñ kisī ko 'umūd'

faqīr shaḳhs hai aur sarzamīn chūmtā hai

tumhaara hath tumhaari jabin chumta hai

ye kaun hai jo badan dil-nashin chumta hai

rah-e-wafa mein wafa ko nibah kar abbas

zamin-e-karb-o-bala ki zamin chumta hai

har ek lab pe hai jari darud-e-al-e-rasul

har ek shaKHs mohammad ka din chumta hai

ab us ke hath na aana tabah kar dega

ye kar-e-'ishq hai har ek hasin chumta hai

tumhaare ba'd tumhaare KHayal mein aksar

laga ke koi meri aastin chumta hai

kabhi kabhi dar-o-diwar dekh kar mere dost

makan KHali hai jis ko makin chumta hai

wo is liye bhi mayassar nahin kisi ko 'umud'

faqir shaKHs hai aur sarzamin chumta hai