tumhaara jaana tumhaare jaane pe guzri aahaT se baat karna

tumhārā jaanā tumhāre jaane pe guzrī aahaT se baat karnā

hameñ to aadat sī ho ga.ī hai ki sarsarāhaT se baat karnā

kabhī bhī ham par khulā nahīñ hai ki asl meñ us ne kyā kahā hai

ga.ī havāoñ kī tarah kānoñ meñ sansanāhaT se baat karnā

agar ho patjhaḌ to mere ye zard haath hāthoñ meñ thaam lenā

jo sāvanoñ kī jhaḌī lagī ho to gungunāhaT se baat karnā

vo din kisī kī junūn-ḳhezī se haar kar baat maan lenā

kisī ke rañgīñ mutālbe sun ke tamtamāhaT se baat karnā

sunā hai muddat talak use ye jabīñ-sitāra sī yaad aa.ī

bahut dinoñ us ko yaad aayā thā jhilmilāhaT se baat karnā

laboñ kī surḳhī batā sakī na to kyā huā baat ho ga.ī hai

kalā.iyoñ ke tamām gajroñ kā muskurāhaT se baat karnā

tumhaara jaana tumhaare jaane pe guzri aahaT se baat karna

hamein to aadat si ho gai hai ki sarsarahaT se baat karna

kabhi bhi hum par khula nahin hai ki asl mein us ne kya kaha hai

gai hawaon ki tarah kanon mein sansanahaT se baat karna

agar ho patjhaD to mere ye zard hath hathon mein tham lena

jo sawanon ki jhaDi lagi ho to gungunahaT se baat karna

wo din kisi ki junun-KHezi se haar kar baat man lena

kisi ke rangin mutalbe sun ke tamtamahaT se baat karna

suna hai muddat talak use ye jabin-sitara si yaad aai

bahut dinon us ko yaad aaya tha jhilmilahaT se baat karna

labon ki surKHi bata saki na to kya hua baat ho gai hai

kalaiyon ke tamam gajron ka muskurahaT se baat karna