tumhaara qurb wajh-e-iztirab-e-dil na ban jae

tumhārā qurb vaj.h-e-iztirāb-e-dil na ban jaa.e

ye mushkil sahl ho kar phir kahīñ mushkil na ban jaa.e

are o tishna-lab ye pyaas ye andāz piine kā

samundar ghaTte ghaTte duur tak sāhil na ban jaa.e

ye mashkūk aadmī luuTe haiñ jis ne kārvāñ barsoñ

duā māñgūñ kahīñ ye rahbar-e-manzil na ban jaa.e

chalā to huuñ tirā baḳhshā huā zauq-e-talab le kar

ḳhayāl is kā rahe ye sa.i-e-lā-hāsil na ban jaa.e

jise merī mohabbat ne sarāpā lutf samjhā hai

kisī ruḳh se vahī insāñ mirā qātil na ban jaa.e

nazar apnī rahe us vaqt tak mamnūn-e-nazzāra

dil-e-jalva-talab jab tak mah-e-kāmil na ban jaa.e

kisī ko 'ramz' mazlūmī ke is ehsās ne maarā

vo apnoñ kī nazar meñ rahm ke qābil na ban jaa.e

tumhaara qurb wajh-e-iztirab-e-dil na ban jae

ye mushkil sahl ho kar phir kahin mushkil na ban jae

are o tishna-lab ye pyas ye andaz pine ka

samundar ghaTte ghaTte dur tak sahil na ban jae

ye mashkuk aadmi luTe hain jis ne karwan barson

dua mangun kahin ye rahbar-e-manzil na ban jae

chala to hun tera baKHsha hua zauq-e-talab le kar

KHayal is ka rahe ye sai-e-la-hasil na ban jae

jise meri mohabbat ne sarapa lutf samjha hai

kisi ruKH se wahi insan mera qatil na ban jae

nazar apni rahe us waqt tak mamnun-e-nazzara

dil-e-jalwa-talab jab tak mah-e-kaamil na ban jae

kisi ko 'ramz' mazlumi ke is ehsas ne mara

wo apnon ki nazar mein rahm ke qabil na ban jae