tumhaare hijr ki muddat ghaTa rahi hun main

tumhāre hijr kī muddat ghaTā rahī huuñ maiñ

ghaḌī meñ vaqt ko ulTā ghumā rahī huuñ maiñ

kitāb-e-zindagī maiñ ne agar paḌhī hī nahīñ

kyoñ imtihān kā parcha banā rahī huuñ maiñ

lagā.ī maiñ ne kināre par āñ.suoñ kī sabīl

nadī kī pyaas ko paanī pilā rahī huuñ maiñ

yahī ki dil kī sunī hai dimāġh se pahle

sazā usī kī mohabbat meñ pā rahī huuñ maiñ

sunā hai aur ziyāda sitam karegā tū

so apne zabt kī tāqat baḌhā rahī huuñ maiñ

lagā ke ek alag zaḳhm us ke pahlū meñ

tumhāre zaḳhm ko nīchā dikhā rahī huuñ maiñ

tumhaare hijr ki muddat ghaTa rahi hun main

ghaDi mein waqt ko ulTa ghuma rahi hun main

kitab-e-zindagi main ne agar paDhi hi nahin

kyon imtihan ka parcha bana rahi hun main

lagai main ne kinare par aansuon ki sabil

nadi ki pyas ko pani pila rahi hun main

yahi ki dil ki suni hai dimagh se pahle

saza usi ki mohabbat mein pa rahi hun main

suna hai aur ziyaada sitam karega tu

so apne zabt ki taqat baDha rahi hun main

laga ke ek alag zaKHm us ke pahlu mein

tumhaare zaKHm ko nicha dikha rahi hun main