tumhaare honTon pe bas mera nam zinda rahe
tumhaare honTon pe bas mera nam zinda rahe
Bushra Bakhtiyar Khan
MORE BYBushra Bakhtiyar Khan
tumhāre hoñToñ pe bas merā naam zinda rahe
tumhāre saath bitā.ī ye shaam zinda rahe
ḳhudā kare ki ye niyyat hī kaam aa jaa.e
havāla ho yā na ho merā kaam zinda rahe
mujhe davām kī chāhat nahīñ magar ai ḳhudā
maiñ chāhtī huuñ ki merā kalām zinda rahe
ajiib Dhañg kī ye chaal chal gayā hai koī
ki bādshāh na ho aur ġhulām zinda rahe
mirī ġhazal ke sab ash.ār chāhe rad ho jaa.eñ
magar imaam pe merā salām zinda rahe
zamāne bhar kā mujhe hosh tak na ho 'bushrā'
tumhārī yaad kā bas ek jaam zinda rahe
tumhaare honTon pe bas mera nam zinda rahe
tumhaare sath bitai ye sham zinda rahe
KHuda kare ki ye niyyat hi kaam aa jae
hawala ho ya na ho mera kaam zinda rahe
mujhe dawam ki chahat nahin magar ai KHuda
main chahti hun ki mera kalam zinda rahe
ajib Dhang ki ye chaal chal gaya hai koi
ki baadshah na ho aur ghulam zinda rahe
meri ghazal ke sab ashaar chahe rad ho jaen
magar imam pe mera salam zinda rahe
zamane bhar ka mujhe hosh tak na ho 'bushra'
tumhaari yaad ka bas ek jam zinda rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
