tumhaare husn ko taswir-e-baam kar denge

tumhāre husn ko tasvīr-e-bām kar deñge

ġhazal pe aa.e to matl.a meñ kaam kar deñge

muḳhālifīn kā sab intizām kar deñge

na maane log to vo qatl-e-ām kar deñge

hamāre sāmne mat kar ghamanD hukūmat kā

abhī zarā meñ tujhe be-maqām kar deñge

baḌhāo tez qadam manzileñ bulātī haiñ

ye rāhbar haiñ ye raste meñ shaam kar deñge

ham aur kyā na.ī pīḌhī ko deñ virāsat meñ

jo dil meñ zaḳhm haiñ bachchoñ ke naam kar deñge

sharāb piite hī ġham aur bhī ubhar aa.e

chale the dard ko tahlīl-e-jām kar deñge

'niyāz' likh ke ham us kī muḳhālifat meñ ġhazal

qalam ko qābil-e-sad-ehtirām kar deñge

tumhaare husn ko taswir-e-baam kar denge

ghazal pe aae to matla mein kaam kar denge

muKHalifin ka sab intizam kar denge

na mane log to wo qatl-e-am kar denge

hamare samne mat kar ghamanD hukumat ka

abhi zara mein tujhe be-maqam kar denge

baDhao tez qadam manzilen bulati hain

ye rahbar hain ye raste mein sham kar denge

hum aur kya nai piDhi ko den wirasat mein

jo dil mein zaKHm hain bachchon ke nam kar denge

sharab pite hi gham aur bhi ubhar aae

chale the dard ko tahlil-e-jam kar denge

'niyaz' likh ke hum us ki muKHalifat mein ghazal

qalam ko qabil-e-sad-ehtiram kar denge