tumhaare husn se raushan sahar ko dekhte hain

tumhāre husn se raushan sahar ko dekhte haiñ

tumhāre husn se shams-o-qamar ko dekhte haiñ

tumhāre husn se ham har bashar ko dekhte haiñ

tumhāre husn se ham īshvar ko dekhte haiñ

tumhāre husn se chamkī hai shaad merī zamīn

so ahl-e-arsh jhuke paak sar ko dekhte haiñ

tumhāre husn se sone ke ho ga.e haiñ hurūf

to shā.iroñ meñ bhī ifrāt-e-zar ko dekhte haiñ

tumhāre husn se qānūn kal-adam haiñ tamām

so munsifīn tumhārī nazar ko dekhte haiñ

tumhaare husn se raushan sahar ko dekhte hain

tumhaare husn se shams-o-qamar ko dekhte hain

tumhaare husn se hum har bashar ko dekhte hain

tumhaare husn se hum ishwar ko dekhte hain

tumhaare husn se chamki hai shad meri zamin

so ahl-e-arsh jhuke pak sar ko dekhte hain

tumhaare husn se sone ke ho gae hain huruf

to shairon mein bhi ifraat-e-zar ko dekhte hain

tumhaare husn se qanun kal-adam hain tamam

so munsifin tumhaari nazar ko dekhte hain