tumhaare ishq ne itna sabaq sikhaya hai

tumhāre 'ishq ne itnā sabaq sikhāyā hai

sar apnā ġhair ke dar par nahīñ jhukāyā hai

use na roko abhī thoḌā raqs karne do

abhī nayā nayā ye mai-kade meñ aayā hai

Dare hue se parinde haiñ gul haiñ pazhmurda

ye kis balā kā hamāre chaman pe saaya hai

tumheñ bhī karnī hai tā'mīr ik na.ī kashtī

tumhāre sāmne phir imtihān aayā hai

yahāñ se tum ko akele hī lauTnā hogā

mohabbatoñ ke safar kā yahī kirāya hai

hamārī jeb se qīmat vasūl karnī thī

so aaj ham ko tamāsha dikhāne aayā hai

piyāla zahr kā hoñToñ pe jab rakhā us ne

ḳhabar milī koī jām-e-hayāt laayā hai

jafā samajh ke use bhuul jā.iye sāhib

kisī raqīb ne jaadū nahīñ karāyā hai

tumhaare 'ishq ne itna sabaq sikhaya hai

sar apna ghair ke dar par nahin jhukaya hai

use na roko abhi thoDa raqs karne do

abhi naya naya ye mai-kade mein aaya hai

Dare hue se parinde hain gul hain pazhmurda

ye kis bala ka hamare chaman pe saya hai

tumhein bhi karni hai ta'mir ek nai kashti

tumhaare samne phir imtihan aaya hai

yahan se tum ko akele hi lauTna hoga

mohabbaton ke safar ka yahi kiraya hai

hamari jeb se qimat wasul karni thi

so aaj hum ko tamasha dikhane aaya hai

piyala zahr ka honTon pe jab rakha us ne

KHabar mili koi jam-e-hayat laya hai

jafa samajh ke use bhul jaiye sahib

kisi raqib ne jadu nahin karaya hai