tumhaare nam ke charche bahut hain

tumhāre naam ke charche bahut haiñ

hamāre kaam ke charche bahut haiñ

mohabbat kī koī bhī dāstāñ ho

dil-e-nākām ke charche bahut haiñ

tumhāre saath jo ham ne guzārī

sanam us shaam ke charche bahut haiñ

hameñ jo sāqiyā tū ne pilāyā

yahāñ us jaam ke charche bahut haiñ

guloñ se pyaar duniyā ko nahīñ par

gul-o-gulfām ke charche bahut haiñ

agarche kaam hai sab kī zabāñ par

magar ārām ke charche bahut haiñ

yahāñ par nāmvar ke tazkire kam

yahāñ badnām ke charche bahut haiñ

miyāñ 'bedār' kitne meñ bike ho

tumhāre daam ke charche bahut haiñ

tumhaare nam ke charche bahut hain

hamare kaam ke charche bahut hain

mohabbat ki koi bhi dastan ho

dil-e-nakaam ke charche bahut hain

tumhaare sath jo hum ne guzari

sanam us sham ke charche bahut hain

hamein jo saqiya tu ne pilaya

yahan us jam ke charche bahut hain

gulon se pyar duniya ko nahin par

gul-o-gulfam ke charche bahut hain

agarche kaam hai sab ki zaban par

magar aaram ke charche bahut hain

yahan par namwar ke tazkire kam

yahan badnam ke charche bahut hain

miyan 'bedar' kitne mein bike ho

tumhaare dam ke charche bahut hain