tumhaari tegh-e-nigah-e-moajiz-numa ne be-maut jis ko mara

tumhārī teġh-e-nigāh-e-mo.ajiz-numā ne be-maut jis ko maarā

to pāsbānī meñ us shahīd-e-vafā kī aakar ajal rahī hai

kisī kī juTTī bhañveñ haiñ yā-rab ki zulfiqār-e-alī ke naqshe

jo bait likkhī sifat meñ us kī hamesha zarbul-masal rahī hai

ye rang hai ishq-e-jāñ-guzā kā lahū ke reze na in ko jaano

ye qāsh-e-dil hai jo āñsuoñ meñ pighal pighal kar nikal rahī hai

zabān jaltī hai kyā batā.ūñ maiñ soz-e-ulfat kā haal nāseh

dil-o-jigar kyā ki sham.a-āsā rag-e-gulū ab to jal rahī hai

nahīñ hai go mujh ko mashq aslan magar maiñ faiz-e-azal ke qurbāñ

mushā.ere meñ 'tabīb'-e-ḳhush-go hamesha apnī ġhazal rahī hai

tumhaari tegh-e-nigah-e-moajiz-numa ne be-maut jis ko mara

to pasbani mein us shahid-e-wafa ki aakar ajal rahi hai

kisi ki juTTi bhanwen hain ya-rab ki zulfiqar-e-ali ke naqshe

jo bait likkhi sifat mein us ki hamesha zarbul-masal rahi hai

ye rang hai ishq-e-jaan-guza ka lahu ke reze na in ko jaano

ye qash-e-dil hai jo aansuon mein pighal pighal kar nikal rahi hai

zaban jalti hai kya bataun main soz-e-ulfat ka haal naseh

dil-o-jigar kya ki shama-asa rag-e-gulu ab to jal rahi hai

nahin hai go mujh ko mashq aslan magar main faiz-e-azal ke qurban

mushaere mein 'tabib'-e-KHush-go hamesha apni ghazal rahi hai