tumhaari yaad ko dil se kabhi bhula na sake

tumhārī yaad ko dil se kabhī bhulā na sake

ye thā vo naqsh-e-mohabbat jise miTā na sake

safīna sāhil-e-ummīd par lagā na sake

muhīt-e-ġham ke thapeḌoñ se bach ke jā na sake

jigar ke daaġh se ab tak dhuāñ sā uThtā hai

charāġh tum ne jalāyā magar bujhā na sake

rahūñgā yuuñ tire dar par misāl-e-naqsh-e-qadam

ki tū bhī chāhe uThānā to phir uThā na sake

uThā liyā dil-e-nādāñ ne muskurā ke use

vo baar jinn-o-malak bhī jise uThā na sake

sunāte āñkhoñ hī āñkhoñ meñ haal kuchh lekin

kisī kī tez-nigāhī kī taab lā na sake

bajā-e-ishq vo de dard-e-ishq ai yā-rab

ki chāra-sāz bhī jis dard ko miTā na sake

charāġh jo kiye tū ne jahān meñ raushan

zamāne vaale use phir kabhī bujhā na sake

samajh lo hogī na takmīl-e-ishq ai 'raushan'

jo apne dil ko harīf-e-sitam banā na sake

tumhaari yaad ko dil se kabhi bhula na sake

ye tha wo naqsh-e-mohabbat jise miTa na sake

safina sahil-e-ummid par laga na sake

muhit-e-gham ke thapeDon se bach ke ja na sake

jigar ke dagh se ab tak dhuan sa uThta hai

charagh tum ne jalaya magar bujha na sake

rahunga yun tere dar par misal-e-naqsh-e-qadam

ki tu bhi chahe uThana to phir uTha na sake

uTha liya dil-e-nadan ne muskura ke use

wo bar jinn-o-malak bhi jise uTha na sake

sunate aankhon hi aankhon mein haal kuchh lekin

kisi ki tez-nigahi ki tab la na sake

baja-e-ishq wo de dard-e-ishq ai ya-rab

ki chaara-saz bhi jis dard ko miTa na sake

charagh jo kiye tu ne jahan mein raushan

zamane wale use phir kabhi bujha na sake

samajh lo hogi na takmil-e-ishq ai 'raushan'

jo apne dil ko harif-e-sitam bana na sake