tumhaari yaad mein Dube kahan kahan se gae

tumhārī yaad meñ Duube kahāñ kahāñ se ga.e

ham apne aap se bichhḌe ki sab jahāñ se ga.e

na.ī zamīn kī ḳhvāhish meñ ham to nikle the

zamīn kaisī yahāñ ham to āsmāñ se ga.e

zamāne bhar ko sameTā thā apne dāman meñ

palaT ke dekhā to ḳhud apne hī makāñ se ga.e

ye khoTe sikke haiñ alfāz is sadī kī suno

ye in kā daur nahīñ ye to is jahāñ se ga.e

'sahar' fuzūl sī ḳhvāhish hai zindagī jiinā

mare to log na jāneñge kis jahāñ se ga.e

tumhaari yaad mein Dube kahan kahan se gae

hum apne aap se bichhDe ki sab jahan se gae

nai zamin ki KHwahish mein hum to nikle the

zamin kaisi yahan hum to aasman se gae

zamane bhar ko sameTa tha apne daman mein

palaT ke dekha to KHud apne hi makan se gae

ye khoTe sikke hain alfaz is sadi ki suno

ye in ka daur nahin ye to is jahan se gae

'sahar' fuzul si KHwahish hai zindagi jina

mare to log na jaanenge kis jahan se gae