tumhaari yaad se itna to faeda hoga

tumhārī yaad se itnā to fā.eda hogā

hamārā zaḳhm-e-jigar aur bhī harā hogā

hamāre aur tumhāre hī darmiyāñ ik din

kise ḳhabar thī ki sadiyoñ kā fāsla hogā

añdherī raat meñ gar raushnī nazar aa.e

ye jaan lo ki hamārā hī dil jalā hogā

har ek chehra hai filhāl jaanā pahchānā

har ek chehra magar kal nayā nayā hogā

bahut se ḳhvāboñ meñ ik ye bhī ḳhvāb hai apnā

hamārā jiine kā andāz hī judā hogā

azīzo aaj kī sohbat ko āḳhirī samjho

tumhāre saath na kal bazm meñ 'ziyā' hogā

tumhaari yaad se itna to faeda hoga

hamara zaKHm-e-jigar aur bhi hara hoga

hamare aur tumhaare hi darmiyan ek din

kise KHabar thi ki sadiyon ka fasla hoga

andheri raat mein gar raushni nazar aae

ye jaan lo ki hamara hi dil jala hoga

har ek chehra hai filhaal jaana pahchana

har ek chehra magar kal naya naya hoga

bahut se KHwabon mein ek ye bhi KHwab hai apna

hamara jine ka andaz hi juda hoga

azizo aaj ki sohbat ko aaKHiri samjho

tumhaare sath na kal bazm mein 'ziya' hoga