tumhein hamare hi doston ki jo saf se imdad mil rahi hai

tumheñ hamāre hī dostoñ kī jo saf se imdād mil rahī hai

tabhī nishāna ḳhatā nahīñ hai hadaf se imdād mil rahī hai

tumhārī in jhūTī 'azmatoñ ko haqīqī 'izzat nahīñ milegī

tumhārī dastār kī akaḌ ko kalaf se imdād mil rahī hai

kabhī koī apne narm hāthoñ se mere ashkoñ ko poñchhtā thā

aur āj-kal ye qamīz ke giile kaf se imdād mil rahī hai

ham aise sahrā meñ gaane vaale kisī se kyā sur milā sakeñge

tumhāre naġhmoñ kī mīThī lai ko to daf se imdād mil rahī hai

tumhārī ham se zabāñ-darāzī tumhārī ham ko ye tā'na-bāzī

hamāre dushman ko ye tumhārī taraf se imdād mil rahī hai

ġhurūr tāqat pe karne vaalo hamārā tum kyā bigāḌ loge

ham ahl-e-haq haiñ so ham ko 'nayyar' najaf se imdād mil rahī hai

tumhein hamare hi doston ki jo saf se imdad mil rahi hai

tabhi nishana KHata nahin hai hadaf se imdad mil rahi hai

tumhaari in jhuTi 'azmaton ko haqiqi 'izzat nahin milegi

tumhaari dastar ki akaD ko kalaf se imdad mil rahi hai

kabhi koi apne narm hathon se mere ashkon ko ponchhta tha

aur aaj-kal ye qamiz ke gile kaf se imdad mil rahi hai

hum aise sahra mein gane wale kisi se kya sur mila sakenge

tumhaare naghmon ki miThi lai ko to daf se imdad mil rahi hai

tumhaari hum se zaban-daraazi tumhaari hum ko ye ta'na-bazi

hamare dushman ko ye tumhaari taraf se imdad mil rahi hai

ghurur taqat pe karne walo hamara tum kya bigaD loge

hum ahl-e-haq hain so hum ko 'nayyar' najaf se imdad mil rahi hai