tumhein pane ki KHatir main samundar par aai thi

tumheñ paane kī ḳhātir maiñ samundar paar aa.ī thī

ki jo kuchh paas thā mere vo sab kuchh vaar aa.ī thī

zamāna bhī ġhazab kī chaal mere saath chaltā thā

ajab jīvan kī baazī thī maiñ ḳhud ko haar aa.ī thī

vahāñ par kam se kam terī ziyārat ho hī jaatī thī

maiñ terā shahr yūñhī chhoḌ kar be-kār aa.ī thī

paḌe haiñ aable paañv meñ raste haiñ kaThin kitne

to kyā is dasht-e-furqat meñ maiñ chunne ḳhaar aa.ī thī

nahīñ koī zarūrat ab mirī nīñdoñ se kah denā

kisī ke ḳhvāb kī ḳhātir maiñ āñkheñ vaar aa.ī thī

churā kar le gayā mujh ko yūñhī vo be-dhiyānī meñ

mujhe milne vo aayā thā maiñ jab is baar aa.ī thī

mujhe kab hosh thā dekhūñ uThā.īñ ungliyāñ kis ne

maiñ terī justujū meñ jab sar-e-bāzār aa.ī thī

mohabbat se kisī ne thaam kar gul-dān meñ rakhā

'kañval' ko saath le kar pāniyoñ kī dhaar aa.ī thī

tumhein pane ki KHatir main samundar par aai thi

ki jo kuchh pas tha mere wo sab kuchh war aai thi

zamana bhi ghazab ki chaal mere sath chalta tha

ajab jiwan ki bazi thi main KHud ko haar aai thi

wahan par kam se kam teri ziyarat ho hi jati thi

main tera shahr yunhi chhoD kar be-kar aai thi

paDe hain aable panw mein raste hain kaThin kitne

to kya is dasht-e-furqat mein main chunne KHar aai thi

nahin koi zarurat ab meri nindon se kah dena

kisi ke KHwab ki KHatir main aankhen war aai thi

chura kar le gaya mujh ko yunhi wo be-dhiyani mein

mujhe milne wo aaya tha main jab is bar aai thi

mujhe kab hosh tha dekhun uThain ungliyan kis ne

main teri justuju mein jab sar-e-bazar aai thi

mohabbat se kisi ne tham kar gul-dan mein rakha

'kanwal' ko sath le kar paniyon ki dhaar aai thi