tumhin nahin ho ki jis ke hisse apar dukh hain

tumhīñ nahīñ ho ki jis ke hisse apaar dukh haiñ

hamārī āñkheñ bhī boltī haiñ ki yaar dukh haiñ

samajh rahā hai tū jis ko apnī ḳhushī kī gaThrī

nahīñ haiñ us meñ ḳhushī use tū utaar dukh haiñ

agar tumheñ lag rahā hai ye dukh bas uuprī haiñ

ye haath dekho qatār andar qatār dukh haiñ

kuchh ek hī bas bache haiñ jin ko hai tujh se ummīd

hameñ tū aa kar sambhāl parvardigār dukh haiñ

unheñ chhupā.eñ ki un pe likheñ ki un ko ro.eñ

do-chār hote to bhī sahī thā hazār dukh haiñ

ye jis tarah se havā meñ shāmil hai oxigen

isī tarah se har ik ḳhushī meñ shumār dukh haiñ

maiñ apne jaisoñ ko DhūñDne meñ lagā huā huuñ

tujhe bhī dukh haiñ to saath aa kar pukār dukh haiñ

tumhin nahin ho ki jis ke hisse apar dukh hain

hamari aankhen bhi bolti hain ki yar dukh hain

samajh raha hai tu jis ko apni KHushi ki gaThri

nahin hain us mein KHushi use tu utar dukh hain

agar tumhein lag raha hai ye dukh bas upri hain

ye hath dekho qatar andar qatar dukh hain

kuchh ek hi bas bache hain jin ko hai tujh se ummid

hamein tu aa kar sambhaal parwardigar dukh hain

unhen chhupaen ki un pe likhen ki un ko roen

do-chaar hote to bhi sahi tha hazar dukh hain

ye jis tarah se hawa mein shamil hai oxigen

isi tarah se har ek KHushi mein shumar dukh hain

main apne jaison ko DhunDne mein laga hua hun

tujhe bhi dukh hain to sath aa kar pukar dukh hain