tumhin puchhoge ghabra kar pata jab hum nahin honge

tumhīñ pūchhoge ghabrā kar patā jab ham nahīñ hoñge

har ik dar par hameñ doge sadā jab ham nahīñ hoñge

hamāre dam se saaqī azmat-e-paimāna hai baaqī

badal jā.egā nazm-e-mai-kada jab ham nahīñ hoñge

abhī tak badduā dete rahe ho tum hameñ lekin

hamāre haq meñ māñgoge duā jab ham nahīñ hoñge

hamāre dam se hai rasm-e-vafā baaqī zamāne meñ

badal jā.egā andāz-e-vafā jab ham nahīñ hoñge

sitam jitne bhī chāho aaj tum jī khol kar kar lo

karoge kis pe kal jaur-o-jafā jab ham nahīñ hoñge

tumhāre ye hinā.ī haath ho jā.eñge be-masraf

kise dast-e-hinā dikhlāoge jab ham nahīñ hoñge

hamāre dam se sar-tā-pā bane ho dīdanī lekin

nazar aaoge phir tum kyā se kyā jab ham nahīñ hoñge

abhī milte hī nazreñ ham se tum nazreñ churāte ho

tumhīñ DhūñDoge ham ko jā-ba-jā jab ham nahīñ hoñge

hamārī maut kī ai 'fauq' jab un ko ḳhabar hogī

zabāñ pe un kī hogā ai ḳhudā jab ham nahīñ hoñge

tumhin puchhoge ghabra kar pata jab hum nahin honge

har ek dar par hamein doge sada jab hum nahin honge

hamare dam se saqi azmat-e-paimana hai baqi

badal jaega nazm-e-mai-kada jab hum nahin honge

abhi tak baddua dete rahe ho tum hamein lekin

hamare haq mein mangoge dua jab hum nahin honge

hamare dam se hai rasm-e-wafa baqi zamane mein

badal jaega andaz-e-wafa jab hum nahin honge

sitam jitne bhi chaho aaj tum ji khol kar kar lo

karoge kis pe kal jaur-o-jafa jab hum nahin honge

tumhaare ye hinai hath ho jaenge be-masraf

kise dast-e-hina dikhlaoge jab hum nahin honge

hamare dam se sar-ta-pa bane ho didani lekin

nazar aaoge phir tum kya se kya jab hum nahin honge

abhi milte hi nazren hum se tum nazren churaate ho

tumhin DhunDoge hum ko ja-ba-ja jab hum nahin honge

hamari maut ki ai 'fauq' jab un ko KHabar hogi

zaban pe un ki hoga ai KHuda jab hum nahin honge