tunuk-mizaj hai malhuz yun adab rakhna

tunuk-mizāj hai malhūz yuuñ adab rakhnā

bahut sañbhal ke tum us ke laboñ pe lab rakhnā

navā-e-girya-o-zārī fazā meñ bikhrī hai

ye shaam hai to kahāñ tak lihāz-e-shab rakhnā

alag khaḌī rahī ham se hamārī parchhā.īñ

hamāre kaam na aaya hasab-nasab rakhnā

sadā se bair hai apne saḳhī ko kyā kiije

burā bhī lagtā hai hoñToñ ko be-talab rakhnā

bahaktī raat ke qisse machalte din ke savāl

vo maañg legā kisī din hisāb sab rakhnā

firāsatoñ se 'adāvat hai hoshiyāroñ ko

so pāgaloñ kī tarah se banā ke chhab rakhnā

nasha sharāb nahīñ vo nigāh kartī hai

vo pher legā nigāheñ gilās tab rakhnā

tunuk-mizaj hai malhuz yun adab rakhna

bahut sanbhal ke tum us ke labon pe lab rakhna

nawa-e-girya-o-zari faza mein bikhri hai

ye sham hai to kahan tak lihaz-e-shab rakhna

alag khaDi rahi hum se hamari parchhain

hamare kaam na aaya hasab-nasab rakhna

sada se bair hai apne saKHi ko kya kije

bura bhi lagta hai honTon ko be-talab rakhna

bahakti raat ke qisse machalte din ke sawal

wo mang lega kisi din hisab sab rakhna

firasaton se 'adawat hai hoshiyaron ko

so pagalon ki tarah se bana ke chhab rakhna

nasha sharab nahin wo nigah karti hai

wo pher lega nigahen gilas tab rakhna