tu bewafa hi sahi tujhse pyar aaj bhi hai

tū bevafā hī sahī tujh se pyaar aaj bhī hai

tire liye ye dil-o-jāñ nisār aaj bhī hai

maiñ jāntā huuñ na aa.egā tū palaT ke kabhī

magar mujhe to tirā intizār aaj bhī hai

tū laakh ġhair sahī āj-kal tū thā merā

dil-o-jigar pe tirā iḳhtiyār aaj bhī hai

tire baġhair bhī duniyā bahut hasīñ hai magar

tire firāq meñ dil be-qarār aaj bhī hai

ḳhushī hai mujh ko tujhe mil ga.ī tirī manzil

ḳhushī se aañkh mirī ashk-bār aaj bhī hai

na bhar sakegā kabhī us ko vaqt kā marham

tire karam se mirā dil figār aaj bhī hai

maiñ tere baaġh kā barg-e-ḳhizāñ-rasīda huuñ

tū vo kalī hai ki jis par bahār aaj bhī hai

bichhaḌ ke tujh se jiye jā rahā hai kyuuñ 'ārif'

jigar meñ ye ḳhalish-e-nok-e-ḳhār aaj bhī hai

tu bewafa hi sahi tujh se pyar aaj bhi hai

tere liye ye dil-o-jaan nisar aaj bhi hai

main jaanta hun na aaega tu palaT ke kabhi

magar mujhe to tera intizar aaj bhi hai

tu lakh ghair sahi aaj-kal tu tha mera

dil-o-jigar pe tera iKHtiyar aaj bhi hai

tere baghair bhi duniya bahut hasin hai magar

tere firaq mein dil be-qarar aaj bhi hai

KHushi hai mujh ko tujhe mil gai teri manzil

KHushi se aankh meri ashk-bar aaj bhi hai

na bhar sakega kabhi us ko waqt ka marham

tere karam se mera dil figar aaj bhi hai

main tere bagh ka barg-e-KHizan-rasida hun

tu wo kali hai ki jis par bahaar aaj bhi hai

bichhaD ke tujh se jiye ja raha hai kyun 'arif'

jigar mein ye KHalish-e-nok-e-KHar aaj bhi hai