tu bhairwin mein ye misra zara suna hum ko

tū bhairvīñ meñ ye misrā zarā sunā ham ko

kahīñ se lagtā nahīñ thā vo bevafā ham ko

tumhāre kuchh bhī nahīñ the magar tumhāre saath

kisī ko dekhā to dil se burā lagā ham ko

hisāb kar ke juārī use batā rahe haiñ

ki tere ġham ne ḳhasārā nahīñ diyā ham ko

ham us ke zulm pe ro.e nahīñ magar phir bhī

dilāse detā rahā rāt-bhar ḳhudā ham ko

tu bhairwin mein ye misra zara suna hum ko

kahin se lagta nahin tha wo bewafa hum ko

tumhaare kuchh bhi nahin the magar tumhaare sath

kisi ko dekha to dil se bura laga hum ko

hisab kar ke juari use bata rahe hain

ki tere gham ne KHasara nahin diya hum ko

hum us ke zulm pe roe nahin magar phir bhi

dilase deta raha raat-bhar KHuda hum ko