tu guftugu ke shauq mein mujhko niDhaal kar

tū guftugū ke shauq meñ mujh ko niDhāl kar

maiñ kuchh na kah sakūñ mujhe itne savāl kar

dariyā samo.e baiThā thā āñkhoñ ke dasht meñ

jab jab kahā gayā mujhe koī kamāl kar

haare hue hai shaḳhs ko head aur tail kyā

kis ko dikhā rahā hai tū sikka uchhāl kar

juuḌā khulā hai us kā qayāmat hai us pe ye

añgḌā.ī le rahī hai vo bāñheñ nikāl kar

vāfar jo mil gayā thā so tū ne kiyā hai ḳharch

rakkhā nahīñ gayā kahīñ mujh ko sañbhāl kar

mujh ko 'muqīm' rahne do pīchhe hī ab mire

chaltā nahīñ huuñ aage maiñ kuchh dekh-bhāl kar

tu guftugu ke shauq mein mujh ko niDhaal kar

main kuchh na kah sakun mujhe itne sawal kar

dariya samoe baiTha tha aankhon ke dasht mein

jab jab kaha gaya mujhe koi kamal kar

haare hue hai shaKHs ko head aur tail kya

kis ko dikha raha hai tu sikka uchhaal kar

juDa khula hai us ka qayamat hai us pe ye

angDai le rahi hai wo banhen nikal kar

wafar jo mil gaya tha so tu ne kiya hai KHarch

rakkha nahin gaya kahin mujh ko sanbhaal kar

mujh ko 'muqim' rahne do pichhe hi ab mere

chalta nahin hun aage main kuchh dekh-bhaal kar