tu ek dua hai teri justuju zaruri hai

tū ik duā hai tirī justujū zarūrī hai

koī javāz nahīñ phir bhī tū zarūrī hai

haañ kashmakash se haiñ āzād mere sab ehsās

yahī hai sach ki tirī aarzū zarūrī hai

kuchh aise farz haiñ jin kī qazā nahīñ hotī

mire liye to vo nekī hai jo zarūrī hai

maiñ saare lafzoñ ko har zāviye se sochā karūñ

ḳhayāl meñ hī sahī guftugū zarūrī hai

hai tere hone se ehsās mere hone kā

ye dil kī zid hai ki tū rū-ba-rū zarūrī hai

tū merī tīra-shabī meñ hai raushnī kī tarah

tū ek jā hī nahīñ kū-ba-kū zarūrī hai

tu ek dua hai teri justuju zaruri hai

koi jawaz nahin phir bhi tu zaruri hai

han kashmakash se hain aazad mere sab ehsas

yahi hai sach ki teri aarzu zaruri hai

kuchh aise farz hain jin ki qaza nahin hoti

mere liye to wo neki hai jo zaruri hai

main sare lafzon ko har zawiye se socha karun

KHayal mein hi sahi guftugu zaruri hai

hai tere hone se ehsas mere hone ka

ye dil ki zid hai ki tu ru-ba-ru zaruri hai

tu meri tira-shabi mein hai raushni ki tarah

tu ek ja hi nahin ku-ba-ku zaruri hai