tu is gharib ka kya iztirab jaanta hai

tū is ġharīb kā kyā iztirāb jāntā hai

navā-e-dasht ko bhī jo sarāb jāntā hai

amīr-e-shahr tumhārī ghaḌī ke nirḳh se kyā

ġharīb-e-shahr to sau tak hisāb jāntā hai

hamārā rabt hai hur ke qabīle se yaaro

charāġh bujhne ko jo inqalāb jāntā hai

kisī basīt musībat kā ye tadāruk hai

jise shikāyatī mohlik 'azāb jāntā hai

asiir zehn kī ġhurbat mulāhiza kiije

amiir shaḳhs ko aalī janāb jāntā hai

ye kotvāl kī āñkhoñ meñ kyā ḳhalal hai janāb

hamārī aañkh kī surḳhī ko naab jāntā hai

ye rāh-e-'ishq hai is ke safar meñ hijrāñ hai

vahī uThā.e qadam jo nisāb jāntā hai

najaf ke vaalī kī hikmat ‘azīm hai 'zamzam'

savāl karne se pahle javāb jāntā hai

tu is gharib ka kya iztirab jaanta hai

nawa-e-dasht ko bhi jo sarab jaanta hai

amir-e-shahr tumhaari ghaDi ke nirKH se kya

gharib-e-shahr to sau tak hisab jaanta hai

hamara rabt hai hur ke qabile se yaro

charagh bujhne ko jo inqalab jaanta hai

kisi basit musibat ka ye tadaruk hai

jise shikayati mohlik 'azab jaanta hai

asir zehn ki ghurbat mulahiza kije

amir shaKHs ko aali janab jaanta hai

ye kotwal ki aankhon mein kya KHalal hai janab

hamari aankh ki surKHi ko nab jaanta hai

ye rah-e-'ishq hai is ke safar mein hijran hai

wahi uThae qadam jo nisab jaanta hai

najaf ke wali ki hikmat ‘azim hai 'zamzam'

sawal karne se pahle jawab jaanta hai