tu jinhen kahta hai aaina-e-sahrai dikha

tū jinheñ kahtā hai ā.īna-e-sahrā.ī dikhā

maiñ kahīñ huuñ ki nahīñ lā mujhe bīnā.ī dikhā

saañs ruk jaa.e mirī itnī bhī tāḳhīr na kar

apne bīmār pe kuchh apnī masīhā.ī dikhā

nāsehā dil pe na guzrī ho to bāteñ na banā

jab koī chhoḌ ke jaa.e to shakebā.ī dikhā

soch lo ghar se nikalte hue ab ke 'āshiq

pūchhte pahle haiñ āñchal meñ tū kyā laa.ī dikhā

jānñe vaale nazar aa.e hazāroñ lekin

is bhare shahr meñ koī na shanāsā.ī dikhā

yūñhī to hotā nahīñ 'ishq-sahīfoñ kā nuzūl

pahle ġham jhel yā phir chashm-e-tamannā.ī dikhā

sirf dā’voñ se koī baat nahīñ ban saktī

lā ke 'sādiq' sā koī ik sar-e-saudā.ī dikhā

tu jinhen kahta hai aaina-e-sahrai dikha

main kahin hun ki nahin la mujhe binai dikha

sans ruk jae meri itni bhi taKHir na kar

apne bimar pe kuchh apni masihai dikha

naseha dil pe na guzri ho to baaten na bana

jab koi chhoD ke jae to shakebai dikha

soch lo ghar se nikalte hue ab ke 'ashiq

puchhte pahle hain aanchal mein tu kya lai dikha

jaanne wale nazar aae hazaron lekin

is bhare shahr mein koi na shanasai dikha

yunhi to hota nahin 'ishq-sahifon ka nuzul

pahle gham jhel ya phir chashm-e-tamannai dikha

sirf da’won se koi baat nahin ban sakti

la ke 'sadiq' sa koi ek sar-e-saudai dikha