tu jo badla to zamana bhi badal jaega
tū jo badlā to zamāna bhī badal jā.egā
ghar jo sulgā to bharā shahr bhī jal jā.egā
sāmne aa ki mirā ishq hai mantiq meñ asiir
aag bhaḌkī to ye patthar bhī pighal jā.egā
dil ko maiñ muntazir-e-abr-e-karam kyuuñ rakkhūñ
phuul hai qatra-e-shabnam se bahal jā.egā
mausam-e-gul agar is haal meñ aayā bhī to kyā
ḳhūn-e-gul chehra-e-gulzār pe mal jā.egā
vaqt ke paañv kī zanjīr hai raftār-e-'nadīm'
ham jo Thahre to ufuq duur nikal jā.egā
tu jo badla to zamana bhi badal jaega
ghar jo sulga to bhara shahr bhi jal jaega
samne aa ki mera ishq hai mantiq mein asir
aag bhaDki to ye patthar bhi pighal jaega
dil ko main muntazir-e-abr-e-karam kyun rakkhun
phul hai qatra-e-shabnam se bahal jaega
mausam-e-gul agar is haal mein aaya bhi to kya
KHun-e-gul chehra-e-gulzar pe mal jaega
waqt ke panw ki zanjir hai raftar-e-'nadim'
hum jo Thahre to ufuq dur nikal jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
