tu kabhi mail-e-wafa na hua

tū kabhī mā.il-e-vafā na huā

phir bhī tujh se mujhe gila na huā

ek mauj-e-nashāt thī hastī

ġham rahā had meñ par sivā na huā

ishq thā ek sāneha dil kā

lab pe aaya to ye fasāna huā

ras Tapaktā thā un laboñ se maiñ

gāliyāñ khā ke be-maza na huā

tishna-kāmoñ kī pyaas bujh jaatī

tujh se itnā bhī sāqiyā na huā

zindagī intizār meñ guzrī

va.ada un kā koī vafā na huā

'shād' DhūñDe hazār pairā.e

phir bhī iz.hār-e-mudda.ā na huā

tu kabhi mail-e-wafa na hua

phir bhi tujh se mujhe gila na hua

ek mauj-e-nashat thi hasti

gham raha had mein par siwa na hua

ishq tha ek saneha dil ka

lab pe aaya to ye fasana hua

ras Tapakta tha un labon se main

galiyan kha ke be-maza na hua

tishna-kaamon ki pyas bujh jati

tujh se itna bhi saqiya na hua

zindagi intizar mein guzri

wada un ka koi wafa na hua

'shad' DhunDe hazar pairae

phir bhi izhaar-e-muddaa na hua