tu lafz lafz ban mere sher-o-suKHan mein aa

tū lafz lafz ban mire she'r-o-suḳhan meñ aa

māh-e-daraḳhshāñ jān-e-ġhazal fikr-o-fan meñ aa

badlī se chhan ke aatī ho jaise kiran meñ dhuup

tū ḳhvāb-pairahan sī sajī mere man meñ aa

kuchh husn-o-'ishq kī bhī kashish rū-barū jo ho

husn-e-nazar ai jān-e-vafā aa chaman meñ aa

tanhā.ī terī bhī tujhe kar degī zār-zār

vīrānī le ke apnī mire sūne-pan meñ aa

har ik junūñ ko had se guzarne kā daañv de

jān-o-jigar meñ aa kabhī dār-o-rasan meñ aa

ehsās terā gul kī kisī pankhuḌī sā hai

ai gul-badan kabhī to mirī anjuman meñ aa

TuuTe hue ye hausle haiñ marhale bhī haiñ

chhūne ko ruuh mere badan kī thakan meñ aa

bāteñ vafā kī kartā hai tū ġhair sā lage

paimāñ-shikan ho yaar zarā bāñkpan meñ aa

tu lafz lafz ban mere she'r-o-suKHan mein aa

mah-e-daraKHshan jaan-e-ghazal fikr-o-fan mein aa

badli se chhan ke aati ho jaise kiran mein dhup

tu KHwab-pairahan si saji mere man mein aa

kuchh husn-o-'ishq ki bhi kashish ru-baru jo ho

husn-e-nazar ai jaan-e-wafa aa chaman mein aa

tanhai teri bhi tujhe kar degi zar-zar

virani le ke apni mere sune-pan mein aa

har ek junun ko had se guzarne ka danw de

jaan-o-jigar mein aa kabhi dar-o-rasan mein aa

ehsas tera gul ki kisi pankhuDi sa hai

ai gul-badan kabhi to meri anjuman mein aa

TuTe hue ye hausle hain marhale bhi hain

chhune ko ruh mere badan ki thakan mein aa

baaten wafa ki karta hai tu ghair sa lage

paiman-shikan ho yar zara bankpan mein aa