tu mayassar bhi nahin aur ham-aghosh hai tu

tū mayassar bhī nahīñ aur ham-āġhosh hai tū

mujh ko bīnā.ī hī kyoñ dī thī jo rū-posh hai tū

sūfiyoñ ne bhī tire naam ke chhalkā.e haiñ jaam

mai-kada-sāz hai tū mai-kada-bar-dosh hai tū

terā har jurm maiñ is nafs ke sar maḌhtā huuñ

dil azal se mirī nazroñ meñ subuk-dosh hai tū

terī takfīr kī ḳhaslat ko ye kyā ho gayā hai

aaj kyā baat hai har baat pe ḳhāmosh hai tū

raat ke āḳhirī taare tujhe niiñd aane lagī

mere qisse pe maiñ samjhā hama-tan-gosh hai tū

ek maiñ huuñ ki tirī chaah meñ huuñ ḳhāna-ba-dosh

aur ik tū hai ki apne meñ hī mad.hosh hai tū

terī shādābī se bā-faiz hai ye ālam-e-husn

tujh se gulshan haiñ bahāreñ haiñ siyah-posh hai tū

tu mayassar bhi nahin aur ham-aghosh hai tu

mujh ko binai hi kyon di thi jo ru-posh hai tu

sufiyon ne bhi tere nam ke chhalkae hain jam

mai-kada-saz hai tu mai-kada-bar-dosh hai tu

tera har jurm main is nafs ke sar maDhta hun

dil azal se meri nazron mein subuk-dosh hai tu

teri takfir ki KHaslat ko ye kya ho gaya hai

aaj kya baat hai har baat pe KHamosh hai tu

raat ke aaKHiri tare tujhe nind aane lagi

mere qisse pe main samjha hama-tan-gosh hai tu

ek main hun ki teri chah mein hun KHana-ba-dosh

aur ek tu hai ki apne mein hi madhosh hai tu

teri shadabi se ba-faiz hai ye aalam-e-husn

tujh se gulshan hain bahaaren hain siyah-posh hai tu