tu mere ishq ki rudad nahin samjhega

tū mire ishq kī rūdād nahīñ samjhegā

kyuuñ mohabbat meñ huuñ barbād nahīñ samjhegā

umr bhar qaid meñ rahne kī aziyyat ko kabhī

jo parinda rahā āzād nahīñ samjhegā

ahd-e-nau se koī ummīd lagānā hai fuzūl

ab koī maqsad-e-fariyād nahīñ samjhegā

dostī kyā hai faqat dost samajh saktā hai

jis ne matlab se kiyā yaad nahīñ samjhegā

dil kī vīrān galī ham ne sajā.ī kaise

kyuuñ kiyā dard se ābād nahīñ samjhegā

tujh se maiñ shikva gila kaise karūñ 'sād' āḳhir

ye atiyya hai ḳhudā-dād nahīñ samjhegā

tu mere ishq ki rudad nahin samjhega

kyun mohabbat mein hun barbaad nahin samjhega

umr bhar qaid mein rahne ki aziyyat ko kabhi

jo parinda raha aazad nahin samjhega

ahd-e-nau se koi ummid lagana hai fuzul

ab koi maqsad-e-fariyaad nahin samjhega

dosti kya hai faqat dost samajh sakta hai

jis ne matlab se kiya yaad nahin samjhega

dil ki viran gali hum ne sajai kaise

kyun kiya dard se aabaad nahin samjhega

tujh se main shikwa gila kaise karun 'sad' aaKHir

ye atiyya hai KHuda-dad nahin samjhega