tu nahin gham bhi tera pyara hai

tū nahīñ ġham bhī terā pyārā hai

ik daf'a kah de tū hamārā hai

sah rahe haiñ sitam zamāne ke

ye hamārā qusūr saarā hai

ghar kī dīvār ho bhale hī gum

ye zamīñ āsmāñ hamārā hai

is zamāne se māñgnā kaisā

mere rab kā mujhe sahārā hai

apnā īmān bech duuñ kaise

bas yahī to nahīñ gavārā hai

aadmī huuñ maiñ devtā to nahīñ

vaqt mushkil agar guzārā hai

khel dil kā baḌā 'ajab yaaro

jo bhī jiitā vahī to haarā hai

tu nahin gham bhi tera pyara hai

ek daf'a kah de tu hamara hai

sah rahe hain sitam zamane ke

ye hamara qusur sara hai

ghar ki diwar ho bhale hi gum

ye zamin aasman hamara hai

is zamane se mangna kaisa

mere rab ka mujhe sahaara hai

apna iman bech dun kaise

bas yahi to nahin gawara hai

aadmi hun main dewta to nahin

waqt mushkil agar guzara hai

khel dil ka baDa 'ajab yaro

jo bhi jita wahi to haara hai