tu ne hi har qadam pe diya hausla mujhe

tū ne hī har qadam pe diyā hausla mujhe

yārab nahīñ hai tere sivā aasrā mujhe

ik baar us ne kah to diyā dilrubā mujhe

taktā rahā maiñ aa.ine ko aa.ina mujhe

jin ke liye sanad thī mirī baat kal talak

dene lage haiñ aaj vahī mashvara mujhe

college meñ is liye bhī to jaatā rahā ki vo

ai kaash ik nazar hī sahī dekhtā mujhe

nārāz apne aap se huuñ maan yā na maan

tujh se shikāyateñ haiñ na koī gila mujhe

har aan har ḳhushī hai milī is ke bāvajūd

kyoñ lag rahī hai zindagī merī sazā mujhe

hāfiz mirā ḳhudā hai so kahnā fuzūl hai

apne sivā kisī kā nahīñ aasrā mujhe

is 'ain shiin qaaf meñ ik pal sukūñ nahīñ

detā hai jaise 'rāhī' koī bad-du'ā mujhe

tu ne hi har qadam pe diya hausla mujhe

yarab nahin hai tere siwa aasra mujhe

ek bar us ne kah to diya dilruba mujhe

takta raha main aaine ko aaina mujhe

jin ke liye sanad thi meri baat kal talak

dene lage hain aaj wahi mashwara mujhe

college mein is liye bhi to jata raha ki wo

ai kash ek nazar hi sahi dekhta mujhe

naraaz apne aap se hun man ya na man

tujh se shikayaten hain na koi gila mujhe

har aan har KHushi hai mili is ke bawajud

kyon lag rahi hai zindagi meri saza mujhe

hafiz mera KHuda hai so kahna fuzul hai

apne siwa kisi ka nahin aasra mujhe

is 'ain shin qaf mein ek pal sukun nahin

deta hai jaise 'rahi' koi bad-du'a mujhe