tu ne kitna farq ai betabi-e-dil kar diya

tū ne kitnā farq ai betābī-e-dil kar diyā

saañs lenā bhī vufūr-e-ġham se mushkil kar diyā

kaash mujh se chhīn letā merī taḳh.īl-e-vasī.a

dil ke ḳhalvat-ḳhāne ko jab rashk-e-mahfil kar diyā

maiñ to qaa.il huuñ tirā ai mālik-e-soz-o-gudāz

kuchh na thā dil ishq ne lekin ise dil kar diyā

kitnā aage baḌh gayā huuñ manzil-e-maqsūd se

tū ne mujh ko aur bhī gum shauq-e-manzil kar diyā

us ke e.ajāz-e-mohabbat par huuñ ai 'sāqib' nisār

ishq kī be-hāsilī ko jis ne hāsil kar diyā

tu ne kitna farq ai betabi-e-dil kar diya

sans lena bhi wufur-e-gham se mushkil kar diya

kash mujh se chhin leta meri taKHil-e-wasia

dil ke KHalwat-KHane ko jab rashk-e-mahfil kar diya

main to qail hun tera ai malik-e-soz-o-gudaz

kuchh na tha dil ishq ne lekin ise dil kar diya

kitna aage baDh gaya hun manzil-e-maqsud se

tu ne mujh ko aur bhi gum shauq-e-manzil kar diya

us ke eajaz-e-mohabbat par hun ai 'saqib' nisar

ishq ki be-hasili ko jis ne hasil kar diya