tu ne mujhko ji liya ye kya hua

tū ne mujh ko jī liyā ye kyā huā

tū to thī merī sazā ye kyā huā

us ko mere chāk-e-dāman the pasand

tū ne kyūñkar sī liyā ye kyā huā

merī qismat kī thiiñ vo nākāmiyāñ

ashk jo tū ne piyā ye kyā huā

yaad ā.ūñgā jo palToge varaq

dukh ko ḳhushiyoñ meñ jiyā ye kyā huā

hijr kā dāman ThiThurtā barf thā

kāñgḌī meñ vo jalā ye kyā huā

tujh ko thā mā'lūm rahzan hai vahāñ

luT chukā hai qāfila ye kyā huā

kaisī hai mahtāb terī raushnī

ghar hī kirnoñ se jalā ye kyā huā

muddatoñ se naama laa.ī thī havā

ghar pe taalā thā paḌā ye kyā huā

tū ne bhī chhū hī liyā us kā badan

hijr meñ hī thā mazā ye kyā huā

zindagī ke dard-o-ġham kā vāqi'a

dāstānoñ meñ Dhalā ye kyā huā

tu ne mujh ko ji liya ye kya hua

tu to thi meri saza ye kya hua

us ko mere chaak-e-daman the pasand

tu ne kyunkar si liya ye kya hua

meri qismat ki thin wo nakaamiyan

ashk jo tu ne piya ye kya hua

yaad aaunga jo palToge waraq

dukh ko KHushiyon mein jiya ye kya hua

hijr ka daman ThiThurta barf tha

kangDi mein wo jala ye kya hua

tujh ko tha ma'lum rahzan hai wahan

luT chuka hai qafila ye kya hua

kaisi hai mahtab teri raushni

ghar hi kirnon se jala ye kya hua

muddaton se nama lai thi hawa

ghar pe tala tha paDa ye kya hua

tu ne bhi chhu hi liya us ka badan

hijr mein hi tha maza ye kya hua

zindagi ke dard-o-gham ka waqi'a

dastanon mein Dhala ye kya hua