tufan ki sazishon ko ye jaanta nahin hai
tūfāñ kī sāzishoñ ko ye jāntā nahīñ hai
is nāḳhudā ko ab tak sāhil milā nahīñ hai
barbādiyoñ kā apnī shikva bajā nahīñ hai
ā.īna be-sabab to mailā huā nahīñ hai
jin kī tajalliyoñ se thiiñ mahfileñ munavvar
ab un ke jhoñpaḌoñ meñ raushan diyā nahīñ hai
haivāniyat kā haadī shaitāniyat kā pairau
ye chaudhvīñ sadī kā insān kyā nahīñ hai
jiine kī aarzū meñ kyā kuchh talab thī apnī
jiine kī aarzū meñ kyā kuchh milā nahīñ hai
rāh-e-najāt sab ko nikle haiñ vo dikhāne
ḳhud apne aap kā bhī jin ko patā nahīñ hai
'sābir' se be-sabab hai kyoñ bad-gumāñ zamāna
maanā ki talḳh-rū hai dil kā burā nahīñ hai
tufan ki sazishon ko ye jaanta nahin hai
is naKHuda ko ab tak sahil mila nahin hai
barbaadiyon ka apni shikwa baja nahin hai
aaina be-sabab to maila hua nahin hai
jin ki tajalliyon se thin mahfilen munawwar
ab un ke jhonpaDon mein raushan diya nahin hai
haiwaniyat ka hadi shaitaniyat ka pairau
ye chaudhwin sadi ka insan kya nahin hai
jine ki aarzu mein kya kuchh talab thi apni
jine ki aarzu mein kya kuchh mila nahin hai
rah-e-najat sab ko nikle hain wo dikhane
KHud apne aap ka bhi jin ko pata nahin hai
'sabir' se be-sabab hai kyon bad-guman zamana
mana ki talKH-ru hai dil ka bura nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
