TuT kar gir chuke hain pat bahut

TuuT kar gir chuke haiñ paat bahut

ai ḳhizāñ baḌh ga.ī hai baat bahut

dil samajhtā hai dil kī baat bahut

āñkheñ baaqī murāslāt bahut

bhīgī palkeñ thiiñ sone vaale kī

ghar Tapaktā thā saarī raat bahut

aadmī ban ke ham ko milte haiñ

chalte phirte ajā.ibāt bahut

bojh lagte haiñ ik jahān ko ham

halkī halkī hai kā.enāt bahut

sab ko pyāre hasīn lagte haiñ

apne apne mushāhidāt bahut

haañ usī ne bisāt ulTī hai

khaa.ī rah rah ke jis ne maat bahut

ik tamanna hai muskurāne kī

ġham lagā.e hue haiñ ghaat bahut

kis ne un ko ḳhulūs samjhā hai

dil ko lagtā hai dil kī baat bahut

TuT kar gir chuke hain pat bahut

ai KHizan baDh gai hai baat bahut

dil samajhta hai dil ki baat bahut

aankhen baqi muraslat bahut

bhigi palken thin sone wale ki

ghar Tapakta tha sari raat bahut

aadmi ban ke hum ko milte hain

chalte phirte ajaibaat bahut

bojh lagte hain ek jahan ko hum

halki halki hai kaenat bahut

sab ko pyare hasin lagte hain

apne apne mushahidat bahut

han usi ne bisat ulTi hai

khai rah rah ke jis ne mat bahut

ek tamanna hai muskurane ki

gham lagae hue hain ghat bahut

kis ne un ko KHulus samjha hai

dil ko lagta hai dil ki baat bahut