TuTi hui qabron mein kahin the ki nahin the

TuuTī huī qabroñ meñ kahīñ the ki nahīñ the

sab ahl-e-havas zer-e-zamīñ the ki nahīñ the

dībācha-e-imkān meñ rakh chhoḌne vaale

ham log batā ahl-e-yaqīñ the ki nahīñ the

dukh oḌh ke rone ke adākār mire yaar

tum merī mohabbat ke amiiñ the ki nahīñ the

jo ḳhvāb tasalsul se mujhe noch rahe haiñ

vo ḳhvāb tire dil ke makīñ the ki nahīñ the

ai tā.ir-e-lāhūt ġham-e-ḳhāk-basar par

hangāme sar-e-arsh-e-barīñ the ki nahīñ the

us būḌhī pujāran ke ḳhad-o-ḳhāl se pūchho

but us kī tamanna ke hasīñ the ki nahīñ the

TuTi hui qabron mein kahin the ki nahin the

sab ahl-e-hawas zer-e-zamin the ki nahin the

dibacha-e-imkan mein rakh chhoDne wale

hum log bata ahl-e-yaqin the ki nahin the

dukh oDh ke rone ke adakar mere yar

tum meri mohabbat ke amin the ki nahin the

jo KHwab tasalsul se mujhe noch rahe hain

wo KHwab tere dil ke makin the ki nahin the

ai tair-e-lahut gham-e-KHak-basar par

hangame sar-e-arsh-e-barin the ki nahin the

us buDhi pujaran ke KHad-o-KHal se puchho

but us ki tamanna ke hasin the ki nahin the