ubharne Dubne ka majra likkha hua hai

ubharne Dūbne kā mājrā likkhā huā hai

hathelī par hamārā faisla likkhā huā hai

ham apnī bad-gumānī duur bhī kar leñge lekin

hamāre darmiyāñ jo fāsla likkhā huā hai

Thahar kar sochnā āḳhir kahāñ tak chal sakoge

mirī āvārgī ko rāsta likkhā huā hai

mire maulā tirī duniyā siyāsat chāhtī hai

mire hisse meñ kaisā tajraba likkhā huā hai

abhī rahne de mere shahr-e-jāñ apne taqāze

abhī kuchh rabt sahrā se mirā likkhā huā hai

khañDar se ab koī āvāz aa.e yā na aa.e

magar dīvār par dekho to kyā likkhā huā hai

bhaTakne kī koī sūrat nikaltī hī kahāñ hai

jahāñ jis samt jab dekho ḳhudā likkhā huā hai

ubharne Dubne ka majra likkha hua hai

hatheli par hamara faisla likkha hua hai

hum apni bad-gumani dur bhi kar lenge lekin

hamare darmiyan jo fasla likkha hua hai

Thahar kar sochna aaKHir kahan tak chal sakoge

meri aawargi ko rasta likkha hua hai

mere maula teri duniya siyasat chahti hai

mere hisse mein kaisa tajraba likkha hua hai

abhi rahne de mere shahr-e-jaan apne taqaze

abhi kuchh rabt sahra se mera likkha hua hai

khanDar se ab koi aawaz aae ya na aae

magar diwar par dekho to kya likkha hua hai

bhaTakne ki koi surat nikalti hi kahan hai

jahan jis samt jab dekho KHuda likkha hua hai