uchaTti si nazar ke sath mubham sa payam aaya

uchaTtī sī nazar ke saath mub.ham sā payām aaya

ka.ī mafhūm le kar ek harf-e-nā-tamām aaya

tasavvur kī nazar bhī jhuk ga.ī ta.azīm dene ko

taḳhayyul ke ufuq par kaun sā māh-e-tamām aaya

muḳhātab maiñ na thā lekin yahī ehsās hotā hai

ki mujh tak baar baar un kī nigāhoñ kā payām aaya

rahī jis kī nazar sayyād kī ek ek harakat par

vahī kam-baḳht taa.ir adbadā kar zer-e-dām aaya

tumhārī yaad jab aa.ī to aa.ī kaif-e-mai ban kar

tumhārā zikr jab aaya to ban kar daur-e-jām aaya

mubārak jazb-e-ulfat aaj to vo merī bālīñ par

ba-ġharz-e-guftugū aaya ba-ummīd-e-kalām aaya

uchaTti si nazar ke sath mubham sa payam aaya

kai mafhum le kar ek harf-e-na-tamam aaya

tasawwur ki nazar bhi jhuk gai tazim dene ko

taKHayyul ke ufuq par kaun sa mah-e-tamam aaya

muKHatab main na tha lekin yahi ehsas hota hai

ki mujh tak bar bar un ki nigahon ka payam aaya

rahi jis ki nazar sayyaad ki ek ek harakat par

wahi kam-baKHt tair adbada kar zer-e-dam aaya

tumhaari yaad jab aai to aai kaif-e-mai ban kar

tumhaara zikr jab aaya to ban kar daur-e-jam aaya

mubarak jazb-e-ulfat aaj to wo meri baalin par

ba-gharz-e-guftugu aaya ba-ummid-e-kalam aaya