udas baam hai dar kaTne ko aata hai
udaas baam hai dar kāTne ko aatā hai
tire baġhair ye ghar kāTne ko aatā hai
ḳhayāl-e-mausam-e-gul bhī nahīñ sitamgar ko
bahār meñ bhī shajar kāTne ko aatā hai
faqīh-e-shahr se insāf kaun māñgegā
faqīh-e-shahr to sar kāTne ko aatā hai
isī liye to kisānoñ ne khet chhoḌ diye
ki koī aur samar kāTne ko aatā hai
tire ḳhayāl kā aahū kahīñ bhī din meñ rahe
magar vo raat idhar kāTne ko aatā hai
kahā to thā ki hameñ is qadar bhī Dhiil na de
ab uḌ rahe haiñ to par kāTne ko aatā hai
ye kaam karte the pahle sagān-e-āvāra
bashar ko aaj bashar kāTne kā aatā hai
ye us kī raah nahīñ hai magar yūñhī 'bāqī'
vo mere saath safar kāTne ko aatā hai
udas baam hai dar kaTne ko aata hai
tere baghair ye ghar kaTne ko aata hai
KHayal-e-mausam-e-gul bhi nahin sitamgar ko
bahaar mein bhi shajar kaTne ko aata hai
faqih-e-shahr se insaf kaun mangega
faqih-e-shahr to sar kaTne ko aata hai
isi liye to kisanon ne khet chhoD diye
ki koi aur samar kaTne ko aata hai
tere KHayal ka aahu kahin bhi din mein rahe
magar wo raat idhar kaTne ko aata hai
kaha to tha ki hamein is qadar bhi Dhil na de
ab uD rahe hain to par kaTne ko aata hai
ye kaam karte the pahle sagan-e-awara
bashar ko aaj bashar kaTne ka aata hai
ye us ki rah nahin hai magar yunhi 'baqi'
wo mere sath safar kaTne ko aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
