udas itna ki jaise kabhi hansa hi nahin

udaas itnā ki jaise kabhī hañsā hī nahīñ

vo shaḳhs mujh se to sach hai ki boltā hī nahīñ

mujhe bhī saath hī rakhnā safar kī gardish meñ

baḌhūñ jo ḳhud kisī jānib ye hausla hī nahīñ

salāḳheñ garm karo jism daaġh kar dekho

mirā vajūd kisī ġham se khaultā hī nahīñ

kaheñ to kis se ki ham dukh kī dāstāñ Thahre

nagar meñ koī kahīñ ham-zabāñ rahā hī nahīñ

maiñ us ko qatl kiye phir rahā huuñ barsoñ se

kahāñ pe dafn karūñ nā'sh sūjhtā hī nahīñ

mirā ḳhulūs jo dekho to dushmanī bhūlo

kahoge 'soz' sā yaaro kahīñ milā hī nahīñ

udas itna ki jaise kabhi hansa hi nahin

wo shaKHs mujh se to sach hai ki bolta hi nahin

mujhe bhi sath hi rakhna safar ki gardish mein

baDhun jo KHud kisi jaanib ye hausla hi nahin

salaKHen garm karo jism dagh kar dekho

mera wajud kisi gham se khaulta hi nahin

kahen to kis se ki hum dukh ki dastan Thahre

nagar mein koi kahin ham-zaban raha hi nahin

main us ko qatl kiye phir raha hun barson se

kahan pe dafn karun na'sh sujhta hi nahin

mera KHulus jo dekho to dushmani bhulo

kahoge 'soz' sa yaro kahin mila hi nahin