udasi kya bataun apne ghar ki

udāsī kyā batā.ūñ apne ghar kī

fazā ḳhāmosh hai ab bām-o-dar kī

talāsh aur vo bhī husn-e-rahguzar kī

kahāñ takmīl ho zauq-e-nazar kī

yahī rūdād hai bas umr-bhar kī

jahāñ saaya milā ham ne basar kī

ḳhirad hai roz-o-shab kī kashmakash meñ

junūñ ko fikr kyā shām-o-sahar kī

dil-e-īzā-talab hī jāntā hai

karishma-sāziyāñ husn-e-nazar kī

hamesha fikr-e-sāhil bahr-e-ġham meñ

kabhī tūfāñ pe bhī tū ne nazar kī

hamārī ehtiyāj-e-zindagī meñ

duā muhtāj phirtī hai asar kī

qafas se uḌ ke jā.eñge kahāñ ham

zarūrat kyā rahī ab bāl-o-par kī

madār is kā huā jaatā hai shar par

burī hālat hai ab nau-e-bashar kī

ajal sar par khaḌī hai aa ke ġhāfil

are kuchh fikr kar raḳht-e-safar kī

kahāñ hai aaj kal 'ḳhushtar' vo duniyā

jahāñ kuchh qadr hotī hai hunar kī

udasi kya bataun apne ghar ki

faza KHamosh hai ab baam-o-dar ki

talash aur wo bhi husn-e-rahguzar ki

kahan takmil ho zauq-e-nazar ki

yahi rudad hai bas umr-bhar ki

jahan saya mila hum ne basar ki

KHirad hai roz-o-shab ki kashmakash mein

junun ko fikr kya sham-o-sahar ki

dil-e-iza-talab hi jaanta hai

karishma-saziyan husn-e-nazar ki

hamesha fikr-e-sahil bahr-e-gham mein

kabhi tufan pe bhi tu ne nazar ki

hamari ehtiyaj-e-zindagi mein

dua muhtaj phirti hai asar ki

qafas se uD ke jaenge kahan hum

zarurat kya rahi ab baal-o-par ki

madar is ka hua jata hai shar par

buri haalat hai ab nau-e-bashar ki

ajal sar par khaDi hai aa ke ghafil

are kuchh fikr kar raKHt-e-safar ki

kahan hai aaj kal 'KHushtar' wo duniya

jahan kuchh qadr hoti hai hunar ki