udasiyon ka hamari sabab tumhin to the

udāsiyoñ kā hamārī sabab tumhīñ to the

hamārī fikr meñ bas roz-o-shab tumhīñ to the

hameñ ġharaz hī na thī aur kuchh bhī duniyā meñ

hamārī ziist kī pahlī talab tumhīñ to the

jo guzre baaġh se titlī laboñ pe aa baiThī

hazāroñ phuul the par ġhuncha-lab tumhīñ to the

kisī ke aane se ham ko koī ḳhushī na milī

hamāre vāste bazm-e-tarab tumhīñ to the

karūñ bayān bhī kyā maiñ dil-e-shikasta kā

jigar meñ tum the mire zer-e-lab tumhīñ to the

hameñ umīd-e-mudāvā kisī se kyoñ hotī

hamāre dard-e-jigar kā matab tumhīñ to the

kisī ne tum se adāvat rakhī to kyā 'muḳhtār'

agarche dahr meñ ik be-adab tumhīñ to the

udasiyon ka hamari sabab tumhin to the

hamari fikr mein bas roz-o-shab tumhin to the

hamein gharaz hi na thi aur kuchh bhi duniya mein

hamari zist ki pahli talab tumhin to the

jo guzre bagh se titli labon pe aa baiThi

hazaron phul the par ghuncha-lab tumhin to the

kisi ke aane se hum ko koi KHushi na mili

hamare waste bazm-e-tarab tumhin to the

karun bayan bhi kya main dil-e-shikasta ka

jigar mein tum the mere zer-e-lab tumhin to the

hamein umid-e-mudawa kisi se kyon hoti

hamare dard-e-jigar ka matab tumhin to the

kisi ne tum se adawat rakhi to kya 'muKHtar'

agarche dahr mein ek be-adab tumhin to the