udasiyon ka samundar hai tishna-lab ab bhi

udāsiyoñ kā samundar hai tishna-lab ab bhī

ḳhamoshī kal bhī mire ghar meñ thī ajab ab bhī

use to pā liyā maiñ ne baḌe vasūq ke saath

pareshāñ kartī hai phir kaun sī talab ab bhī

chalo ye maan liyā hai qarīb shah-rag se

samajh meñ aatā nahīñ hai mujhe to rab ab bhī

salām karne lagā huuñ maiñ aate jaate use

javāb hī nahīñ detā vo be-adab ab bhī

ki ab to vasl hai ye hijr bhī nahīñ lekin

chalī hī aatī hai aksar udaas shab ab bhī

maiñ sochtā huuñ ke maazī bhulā hī duuñ varna

merī shikast kā ban saktā hai sabab ab bhī

udasiyon ka samundar hai tishna-lab ab bhi

KHamoshi kal bhi mere ghar mein thi ajab ab bhi

use to pa liya main ne baDe wasuq ke sath

pareshan karti hai phir kaun si talab ab bhi

chalo ye man liya hai qarib shah-rag se

samajh mein aata nahin hai mujhe to rab ab bhi

salam karne laga hun main aate jate use

jawab hi nahin deta wo be-adab ab bhi

ki ab to wasl hai ye hijr bhi nahin lekin

chali hi aati hai aksar udas shab ab bhi

main sochta hun ke mazi bhula hi dun warna

meri shikast ka ban sakta hai sabab ab bhi