udasiyon ke siwa is makan mein kya hai
udāsiyoñ ke sivā is makān meñ kyā hai
tumhāre baa'd mirī dāstān meñ kyā hai
tum is liye bhī muḳhālif rahe havāoñ ke
tumheñ pata hī nahīñ āsmān meñ kyā hai
nigāh Tiktī nahīñ kyoñ kisī bhī chehre par
ḳhudā hī jaane tumhāre gumān meñ kyā hai
zamīñ se uTh ke ḳhalā meñ kahīñ bhaTak jaanā
zarūratoñ ke 'alāva uḌaan meñ kyā hai
bas ik junūn samundar meñ ġharq hone kā
nahīñ to aur nadī ke ufaan meñ kyā hai
tamām 'umr jalā huuñ tapish meñ sūraj kī
ye mujh se pūchhe koī sā.ebān meñ kyā hai
udasiyon ke siwa is makan mein kya hai
tumhaare ba'd meri dastan mein kya hai
tum is liye bhi muKHalif rahe hawaon ke
tumhein pata hi nahin aasman mein kya hai
nigah Tikti nahin kyon kisi bhi chehre par
KHuda hi jaane tumhaare guman mein kya hai
zamin se uTh ke KHala mein kahin bhaTak jaana
zaruraton ke 'alawa uDan mein kya hai
bas ek junun samundar mein gharq hone ka
nahin to aur nadi ke ufan mein kya hai
tamam 'umr jala hun tapish mein suraj ki
ye mujh se puchhe koi saeban mein kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
